استراتيجية كسر الترند، كيف تقرأ التحول؟

00:06اليوم هي استراتيجية… هي استراتيجية كتير قوية. نحنا عادةً منعطيها لطلابنا، واليوم حبّينا إنّا نعطيها ونشرحها بالتفصيل. بس أول شي حابّة أعرف منكم الأشخاص الموجودين: كل حدا يكتب لي كيف مستواه. هل أنت متداول من قبل، ولا أول مرة بتدخل، مثلاً جديد، مبتدئ؟ فإذا كل حدا بيكتب لي مستواه، لحتى

00:46أعرف الأشخاص اللي معي بالمكالمة، لو سمحتوا. تتعلّم كل شي من الصفر، يعني بتصير متقدّم، وبقوة يعني.

02:04طيب، خلّونا نبلّش. هلّق هي الاستراتيجيات بتعطيك نقطة دخول، بتعطيك ستوب، بتعطيك أهداف، تمام؟ فنحنا نبدأ. هلّق، أول شي، نحنا في عنا أداة اسمها أداة الترند لاين، تمام؟ أداة الترند لاين،

02:52أداة الترند لاين: خط بيمثّل الدعم والمقاومة. تمام. فأداة الترند لاين هي عبارة عن خط، تمام؟ أنا برسمه على نقاط ارتكاز، وهو عبارة عن أداة بصرية بتساعدني لتحديد الاتجاه، سواء كان الاتجاه صاعد أو الاتجاه هابط.

03:41أنا شو بيفيدني هذا الحكي؟ أول شي، أنا كمتداول لازم أعرف أنا وين موجود: هل أنا باتجاه صاعد لأبحث عن فرص شرائية، أم أنا باتجاه هابط لحتى أبحث عن فرص بيعية؟ لأنه نحن كمتداولين أفراد يفترض إنه نمشي مع الاتجاه. هذا السوق فيه سيولة كتير كبيرة، بتنضخّ من قبل الحيتان، من قبل صناديق التحوّط والبنوك المركزية. فأنا السوق اللي داخلة عليه عم ينضخّ فيه تريليونات الدولارات بشكل يومي. أنا كمتداول فرد ما فيني إجي غيّر اتجاهه وأمشي على كيفي بألف دولار ولا مية ألف دولار،

04:22لأنه أنا ما رح حرّك ساكن. فنحنا عم نتعلّم كيف نمشي معهم، كيف نتبع هدول البنوك المركزية لحتى نحنا نمشي معهم، وناخد أرباحنا بطريقة صحيحة. فأول شي، إحنا عنا أول شغلة: إحنا عنا الترند لاين، بنرسمه على نقاط ارتكاز اللي هنّي قمم وقيعان. أنا برسم هذا الخط على قمم وقيعان، تمام؟ هاي أول خطوة. طبعاً نحنا هلّق رح نشرح نظري ونحكي نظري، وبعدين

05:08رح يكون في شرح على الشارت، تمام؟ أول شغلة إحنا رح نتعرّف على الاستراتيجية، وكمان رح اشرح لكم شغلات، بما إنه ممكن يكون معنا أشخاص مبتدئين، رح نشرح شوي بشكل مفصّل أكتر. بعدين رح نحكي كيف نحنا بنتأكد من كسر الترند، لأنه نحن أحياناً بيكون عنا تلاعب، يعني أصلاً الحيتان هنّي شغلتهن يضربوا الستوب. فنحن بدنا نعرف إنه لمّا يصير عنا كسر بالترند، هل هذا الكسر هو حقيقي، أو كسر كاذب لحتى السوق يضرب الستوب؟ بعدين بدنا نتعلّم نحن من وين ندخل،

05:49وبعدين بدنا نعرف نحن أهدافنا ووقف الخسارة. طبعاً، من ميزات هاي الاستراتيجية إنه الأهداف يعني أكبر من الستوب، يعني دائماً رح تشوف ستوبك مانو كتير كبير، فهذا الشي بيساعدك إنه دائماً تكون بربح، يعني تقلّل من حجم خسارتك بشكل ملحوظ، تمام؟ أول شغلة، بإمكانكم تاخدوا سكرين. خلّينا نعرف الاستراتيجية: هي بالتحليل الفني بتعتمد على كسر الخط اللي حكيت لكم عنه، خط الاتجاه. تمام؟

06:29في حال كان عندي صعود أو هبوط، فأنا هذا الخط أكيد ما رح أرسمه بشكل عشوائي، لازم أرسمه على نقاط ارتكاز. مثلاً، مثل هون عندي أنا بالمثال: في عندي أنا قمم، برسم خط الترند على هاي القمم. هلّق يفترض إنه خط الترند هاد بيمثّل لي المقاومة، يعني يفترض إنه هاي المنطقة، لمّا أنا عم شوف السعر بيوصل لعندها وبيهبط، فيفترض إنه كمان يوصل السعر لعندها ويهبط. ولكن أنا بلاحظ إنه لمّا أكون راسم الخط وعم راقب الشارت،

07:10بلاحظ إنه تم كسر هذا الخط، فأنا بيصير عندي شو؟ ضعف بالاتجاه الهابط، وبالتالي أنا بدي أستغل فرصة الشراء اللي رح تصير عندي، رح يصير عندي صعود، لأنه صار عندي كسر لهذا الخط، يعني رح يتغيّر عندي الاتجاه. تمام؟ طيب، هل أنا بدخل فوراً مجرد ما إنه خط الترند لاين تم كسره؟ لا طبعاً، في عندي شروط، بس يتم تحقيقها، أنا بدخل. طيب، شو هي هاي الشروط؟ بعد ما تم كسر الترند لاين،

07:55منستنّى الكسر، ومنستنّى إغلاق الشمعة: الشمعة تغلق فوق الخط. بعدين أنا برسم على هاي الشمعة، بحدّدها، تمام؟ بحدّد هاي الشمعة. بعد ما أحدّد الشمعة اللي كسرت لي الترند لاين، هذا المربع بيسمّى مربع إعادة الاختبار. هون أنا رح يتوضّح عندي: هل الكسر كاذب أم حقيقي؟ فهذا المربع لحتى يتأكد عندي الكسر. واضح؟ هل بدخل فوراً شراء؟ طبعاً لا، بستنّى لحتى السعر يرجع يعمل لي إعادة اختبار،

08:38لأنه أحياناً بيصير عندي، بعد ما يصير عندي كسر لهذا الخط، هون السعر نزل للأسفل هيك وضرب الستوب. طبعاً أنا بكون الحق عليّ، لأنه ما أنا مأكّدة الكسر، ما أنا شايفة إنه في أي تأكيد للكسر، فبيكون هو عبارة عن كسر كاذب لحتى نحن ناكل ستوب، تمام؟ فهذا المربع بيمثّل لي تأكيد للكسر، أو بيسمّى منطقة إعادة الاختبار، وبيساعدني على تأكيد صحة الكسر. طيب، تمام، السعر طلع ورجع لهاي المنطقة. مجرد ما رجع لهاي المنطقة، تمام،

09:20أنا بستنّى لحتى يبلّش يطلع، هون أنا بدخل شراء. ما حدا يدخل بيع، لأنه هون أنا عندي اتجاه هابط تم كسر الترند لاين تبعه، يعني رح يصير عندي انعكاس، فأكيد أنا رح أدخل شراء. تمام؟ طيب، أنا دخلت شراء: وين رح يكون ستوبي، وين رح تكون أهدافي؟ الستوب والأهداف إلهن قاعدة ثابتة. تمام؟ خلّوني فرجيكم على السلايد أول شي. الستوب رح يكون عندي آخر قاع، في حال

10:01الترند كان هابط طبعاً: آخر قاع قبل ما يتم الكسر بهاي الشمعة اللي كسرت لي الترند لاين. تمام؟ وين آخر قاع؟ هذا آخر قاع. فأنا هون، على هذا المستوى، بحدّد الستوب، بينما أهدافي رح أرسمهن على المستويات السابقة اللي أنا حدّدتهم. فإذا بتلاحظوا، حتى هون بالرسمة، يعني الستوب صغير مقابل الأهداف. يعني أنا ستوبي رح يكون… هاي من ميزات هاي الاستراتيجية:

10:41إنه الستوب بيكون حجمه صغير. تمام؟ فأنا دخلت من بعد تأكيد الكسر، صحة الكسر، فأنا بيصير عندي تغيير للاتجاه، دخلت شراء، حطّيت ستوبي على آخر قاع قبل أن يتم الكسر، وأهدافي هي القمم السابقة. طبعاً هاي في حال كان عندي أنا ترند هابط. أما بالترند الصاعد، بيختلف الموضوع: نفس الفكرة، ولكن بدنا نغيّر نحن رسم خط الترند لاين، وأكيد رح يتغيّر موقع الستوب والتيك بروفيت. بس لحد الآن واضح؟ أو في حدا عنده استفسار؟

12:20اللي عنده أي استفسار قبل ما نبلّش بالفقرة الجديدة يكتب لي، مشان ما بدي حدا يطلع مو فهمان. وحتى لو واجهته صعوبة بالبداية، مو مشكلة، هو التدريب أساس كل شي، لازم نحنا نتدرّب. حتى الآن واضح؟

13:33طيب، خدوا سكرين. ميزات هاي الاستراتيجية: إنها سهلة، مثل ما حكينا، تطبيقها سهل. مثل ما شفتوا: ترند برسمه، دعم أو مقاومة، وأنا بستنّى، بستنّى كسره. طيب، في حال رح يجي مثلاً حدا ويسألني إنه: في حال مثلاً ضل السعر عند المقاومة وما تم الكسر؟ ببساطة أنا ما بدخل.

14:21طيب، بلكي أنا مثلاً بيجيني أحد الأشخاص، يعني كانوا بدفعتي، بيقول لي مثلاً: «كوتش، بلكي السعر، تمام، اخترق وكمّل فوراً صعود؟» بدخل؟ لا، ما بدخل. لأنه مثل ما في احتمال يكمّل صعود، في احتمال إنه ينزل فوراً ويضرب لك الستوب، لأنه ما صار عندك إعادة اختبار لمنطقة الكسر. فنحن ما رح نخاطر. يعني في شروط معيّنة: إذا الشروط تحقّقت بدخل، ما تحقّقت الشروط أنا ما بدخل، ببساطة. يعني لأنه السوق دائماً ماشي، والفرص دائماً موجودة، وأنت فيك تشتغل على هاي الاستراتيجية بكل الأسهم، كل العملات والمعادن،

15:09يعني أنت عندك كتير فرص باليوم، تمام؟ سواء بالعملة الوحدة، أو إذا أنت مثلاً كنت عم تشتغل على أكتر من عملة، فأنت حكماً عندك بشكل يومي فرص. تمام؟ هلّق نحن عم نشرح عن الشراء أكيد، رح ناخد الشراء. فبس تحقّقت عندي الشروط… طبعاً الشروط نفسها بالشراء وبالبيع، الشروط بتكون نفسها:

15:49كسر، تأكيد كسر، وبعدين دخول. هذا بالشراء وبالبيع. تمام؟ بعدين حكينا إنّ وقف الخسارة صغير، بيساعد على تقليل المخاطر عند الدخول. يعني أنت وقف الخسارة، مثل ما قلت لكم، رح يكون صغير نوعاً ما، تمام؟ مقابل الأهداف. وفيكم تشتغلوا عليها على كل الفريمات. طبعاً هذا أكتر سؤال أنا بنسأل عنه بعد ما أشرح الدرس.

16:31هلّق فيكم تشتغلوا على كل الفريمات، بس يعني من أفضل الفريمات اللي أنا شايفتها هي الربع ساعة والساعة. وما بفضّل إنك تشتغل على فريمات كتير صغيرة. يعني بشكل عام، الفريمات الصغيرة مناخد منها تأكيدات أكتر ما إنه نطبّق عليها استراتيجية. فأنا بفضّل، كنصيحة طبعاً، إنك حرفياً تعمل باكتست على الفريم اللي بدّك ياه، وتشوف أنت نسبة الخسارة والربح. تمام؟ يعني قيمة أو نسبة النجاح أنت اللي بتحدّدها حسب الباكتست اللي أنت بتعمله، تمام؟

17:11ولكن أنا بشوف إنه أفضل شي من الربع ساعة وفوق، وأكيد كل ما كبّرنا الفريمات، صراحةً، كل ما كان أفضل. ولكن هذا بيعتمد عليك: هل أنت بتحب صفقات السكالب ولا السوينغ؟ تمام؟ وحكينا كمان إنها بتشتغل على مختلف أسواق المال، يعني أنا بستخدمها على الذهب، على المؤشرات، على عملات الفوركس: يورو دولار، الين الياباني… كل العملات فيك تشتغل عليهم بهاي الاستراتيجية. تمام؟

17:51طيب، هلّق أنا في حال عندي مثلاً… في حال كان عندي أنا اتجاه مثلاً صاعد، بهذا الشكل. هلّق طبعاً رح ناخدها على المنصة، بس هلّق بدي اشرح لكم نظري، بعدين منطبّق عملي.

18:38في حال كان عندي أنا اتجاه صاعد، فهل أنا برسم على القمم مثل الهبوط؟ لا، أنا برسم على القيعان، وهي شغلة كتير مهمة. تمام؟ لازم، بس يكون عندي هبوط، برسم الخط، بحدّد أنا القمم. بس يكون عندي اتجاه صاعد، فأنا برسم على القيعان. فرسمنا، تمام؟ نحن شفنا عنا اتجاه. يفضّل طبعاً، بالشراء وبالبيع، إنه نحدّد أقل شي 3 قمم و3 قيعان، هيك حدّدنا.

19:18فيكم أكتر، فيكم أكتر طبعاً، بس يعني ما حدا يجي يرسم لي على قمة واحدة ويستنّى كسر، لا، أو على قمّتين. أقل شي يفضّل تلات قمم أو تلات قيعان، تمام؟ طيب، نحنا منحدّد هون الترند لاين: منرسم، منحدّد القيعان، بعدين، مثل ما حكينا، هذا الخط، تمام؟ فرسمنا هيك، بهذا الشكل، تمام؟ فهذا الخط يفترض إنه هاي المنطقة هي منطقة الدعم، عم تدعم لي الصعود، فأنا كل ما أوصل لهاي المنطقة، السعر عم يرتد، كل ما أوصل لهون عم يرتد. ولكن أنا في حال تم الكسر، هون ببلّش شغل.

20:00تم كسر الترند لاين اللي أنا حدّدته، تمام؟ وأغلقت الشمعة أسفل الخط، فأنا الشمعة اللي كسرت لي الترند، بحدّدها بهذا الشكل، وهي بتدعى مربع إعادة الاختبار. مثل ما حكينا: هل أنا بدي بيع فوراً؟ هون أنا بدي أدخل بيع طبعاً، لأنه كان عندي شراء، تم كسر الترند لاين، فهي إشارة على انعكاس السعر، فأكيد الانعكاس هو بيع، فهون أنا بدي أدخل بيع. تمام؟

20:44طبعاً مو فوراً، أكيد بعد ما يتم تحقيق الشروط. دخلنا، حدّدنا هون الشمعة اللي كسرت لي الترند لاين، وبدنا نستنّى، بدنا نستنّى إنّ السعر يرجع لهون، يعمل لي إعادة اختبار. تمام؟ بعدين، لمّا بلّش ينزل، أنا باخدها بيع. ستوبي بيكون آخر قمة، هي القمة الأخيرة قبل أن يتم كسر الترند لاين، وأهدافي القيعان السابقة. تمام؟ طبعاً لمّا أنت تشوف الزخم، لمّا تكون فاتح بيع من هون بناءً على الاستراتيجية،

21:27ويكون عندك زخم بيعي، أنت بإمكانك تأمّن دخولك وتكمّل بيع. أما إذا بدّك تمشي على الاستراتيجية بالضبط، فأنت أهدافك هي القيعان اللي حدّدتهن. فعندي ستوبي بيكون دائماً على القمة السابقة. تمام؟ أحد الأشخاص مرة كان مخربط: هو على آخر الترند لاين اللي حدّده حطّ الستوب، وهذا خطأ. على آخر قمة قبل… يعني قبل ما ينكسر الترند لاين، قبل هاي بحطّ الستوب، بينما الأهداف هي القيعان السابقة.

22:19ودائماً، يعني كنصيحة إلكن، اللي بدّه يستمر… في أشخاص أحياناً طبعاً بتحب إنها تستمر مثلاً، فأنت خود جزء من أرباحك أقل شي، وأمّن صفقتك. يعني حاول تأمّن. ممكن إنه يعاكس شوي عليك، ولكن عادي، الصفقة ممكن إنها ترتد شوي، عادي، بيصير في تصحيحات كتير بالسوق. وبعدين، طالما أنت محقّق الشروط، ما في داعي إنك تخاف. تمام؟ فيكم تعملوا عليها باكتست، وتشوفوا أنتم نسبة النجاح: يعني قديش أنا عندي، مثلاً على فريم الساعة؟

23:04أنا مثلاً عملت، اتدرّبت وفتحت صفقات: كم صفقة ربحت معي؟ تمام؟ سوف تجد أنّ النجاح على الفريمات الكبيرة، من الربع ساعة وفوق… سوف تجد أنّ الفريمات الكبيرة بيكون نجاحها أكتر من فريم الدقيقة ومن الخمس دقايق، تمام؟ وحتى أساساً الأهداف بتكون أكبر. في حدا عنده سؤال؟

24:33طبعاً، بس يتم كسر الترند لاين، ما بدخل بعد الكسر مباشرة. يعني أنا هاي الشمعة، هي الشمعة اللي كسرت لي الترند لاين، ما بدخل بعدها فوراً، بستنّى لحتى يصير عندي تأكيد للكسر، يعني لازم السعر بعد ما نزل يرجع يطلع يأكّد الكسر وينزل، لأنه قلت لكم أحياناً، مثلاً هون أو هون، بينزل، يعني بيكسر الترند وبيضرب فوراً الستوب. تمام؟

25:33في حدا عنده لسّه استفسارات؟ لأنه بدي ياكم تتدرّبوا وتعملوا باكتست وتبعتوا لي الفيدباك، يعني بدي شوف أنتو كيف نسبة نجاح الصفقات عندكم. طبعاً. وفي، على فكرة، أشخاص تخرّجوا عندي من أسبوعين، وبلّشوا بحسابات

26:15حقيقية. يعني عملوا باكتست عليها، كانت النتيجة حلوة، بلّشوا فوراً بحسابات حقيقية، لأنه هاي الاستراتيجية عم تعطيك دخول. طيب، إذا الكل… الكل عنده واضح، خلّونا نفتح المنصة. تقريباً على الربع ساعة.

27:36وفيكم تعملوا على الفريمات الأخرى، يفضّل لكم من الربع ساعة وما فوق، وأنتم بالباكتست، لمّا تعملوا باكتست أثناء التدريب، رح يبيّن معكم.

28:48«هل بحساب حقيقي؟» تجرّب الاستراتيجية؟ أول شي جرّبها، يعني اعمل عليها باكتست، وبعدين… في أشخاص كتير عم تشتغل بحسابات حقيقية. يعني هذا الشي كتير بيفيدكم، ودائماً لمّا أنت تحلّل بإيدك، أنت تحلّل بإيدك… غير.

30:31أول شي، الأشخاص اللي اتدرّبوا عندي بيفتحوا على الذهب، وحتى أنا بتداول على الذهب، يعني فرح تشوفوا إنه دائماً بنشتغل على الذهب، بما إنه سرعته وسيولته كتير حلوة. بدنا نشوف أول شي الاتجاه مثلاً: بنرسم على نقاط ارتكاز، سواء كان قمم أو قيعان.

31:22تمام، هاي أول خطوة، بالاتجاه مثلاً، هون أنا عندي… طبعاً ما رح نرسم هلّق، ما رح ناخد المثال هون. بس مثلاً بيجوا أشخاص يرسموا الترند بهاي الشكل: خطأ، تمام؟ بيرسموا الاتجاه بهذا الشكل، ما بينرسم هيك.

32:02أنا عندي مثلاً اتجاه هابط، بيرسم هون، بيرسم هون، تمام؟ هاي كتير بتصير، يعني دائماً بكل دفعة عندي أشخاص بتخربط. فسجّلوا لها ملاحظة عندكم: إنه أنا لمّا يكون عندي اتجاه هابط، أنا برسم على القمم، لمّا يكون عندي اتجاه صاعد، أنا هون برسم على القيعان. واضح؟

33:25ما في أي مشكلة. هل كان عندك أي استفسار؟ هاي مثلاً… طيب، خلّونا نشوف، مشان يكون

34:39عندكم أوضح، تمام؟ مشان الكل يشوف. هاي مثلاً أنا عندي الشارت. كان عندي أنا الاتجاه بهذا الشكل، تمام؟ لازم يكون واضح، صحيح؟ كان عندي أنا صعود، فأنا أول شغلة شو بعمل؟ برسم، بحدّد الترند لاين، الترند لاين بهاي الطريقة.

35:43بس بإمكانك تتواصل معي، لحتى يساعدوك يعني بالمشكلة. بس تدخل على المنصة، بتكون عندك الأداة، تمام؟ بتحدّد على نقاط الارتكاز اللي نحن رسمناها. إذا ما لقيتها، بالعربي بيكون مكتوب:

36:50«خط الاتجاه»… الخط. طيب، أنا عم برسم لكم هون، حتى أعطيكم المثال الواضح، مشان الكل يشوف، تمام؟ في أشخاص لسّه مثلاً ما عندهم حسابات؟

37:37مشان أعرف كيف أمشي معكم، اكتبوا لي. لأنه إذا أنت أخدت هلّق نظري، وحتى لو أنا عطيتك تطبيق عملي، وأنت ما عندك منصة، ما رح تعرف تتدرّب يعني، فأنت رح تنسى هاي المعلومات.

38:27«بنفس الجروب؟» إيه، نفس الجروب. واليوزر تبع الدعم، كمان أنا موجودة فيه، بإمكانكم تبعتوا لي. بس أنا بدي أعرف إذا أنتو فاتحين حسابات ولا لسّه، لأنه لازم نطبّق بالعملي.

39:48«بتفتحي لي حساب؟» إيه، تمام، تواصلوا معي. هلّق رح اكتب لكم أنا اليوزر بالتعليق، مشان تتواصلوا معي. وإذا حدا لسّه ما فتح حساب تجريبي، يعني مشان أنتو كمان تتدرّبوا… وحتى اللي بدّهم يفتحوا حساب حقيقي كمان، ما في أي مشكلة. واللي في شخص كتب لي إنه عنده مشكلة

40:28بالحساب، مشان نحلّها له، فرح حطّ لكن أنا هلّق اليوزر، تتواصلوا معي ومنحلّ هاي المشكلة يعني. يعني لازم تكون واضحة: مثلاً أنا عندي هون اتجاه صاعد، تمام؟ فأكيد أنا بدي أرسم خط ترند لاين على القيعان، تمام؟ بهذا الشكل، تمام؟ بعدين حكينا إنه أنا…

41:19حكينا إنه أنا بدي أستنّى كسر الخط. يعني طول ما أنا عندي الخط ما انكسر، تمام؟ فأنا ما رح أعمل ولا شي، أنا شغلتي الوحيدة إني راقب الصفقة بس، تمام؟ لحتى يصير عندي كسر بخط الاتجاه. بس صار عندي كسر بخط الاتجاه، الخطوة اللي بعدها: فأنا هاي الشمعة اللي كسرت الخط بحدّدها، تمام؟ بعد ما حدّد الشمعة، أوكي، بدي أستنّى السعر إنه يرجع يطلع يلمس لي هاي المنطقة اللي تم الكسر من عندها، فأنا بهاي الحالة بتأكّد إنه

42:08الكسر هو حقيقي، يعني مانه كسر كاذب. تمام؟ بعدين هون طبعاً، بما إنه الاتجاه صاعد، فأنا بدي أدخل بيع، لأنه تم الكسر، فرايحين عكس الاتجاه. وستوبي رح يكون عند هاي القمة، تمام؟ حتى شوفوا: السعر عاكس شوي، وبعدين نزل بشكل طبيعي. طالما ما وصل لي للستوب، فأنا أموري لوز، ما في داعي نتوتّر ونخاف، خلص. وأساساً أنت ستوبك صغير، يعني ما في داعي تخاف. يعني حتى خسارتك، في حال ضرب لك ستوب، أنت ستوبك رح يكون صغير، ما رح يكون ستوبك كتير كبير، بس أنت، مقابل أهدافك… شوف الأهداف، تمام؟

42:52وفعلاً نحن دخلنا بيع، وهي الصفقة اللي أنا دخلتها، شوفوا قديش نزل السعر، يعني أنتو شوفوا، يعني نزل أكتر حتى من الأهداف، تمام؟ خلّيني… بس شوفوا لوين نزل السعر، نزل، أخد لي كل الأهداف، ورجع طلع. شايفين؟ يعني الاستراتيجية كتير قوية، حرفياً. أنا أخدت الانعكاس كله. واضح؟ حدّدنا نحن نقاط الارتكاز، حدّدنا القيعان، نطرنا الكسر. ما تم الكسر؟ أنا ما بدخل، بستنّى فرصة تانية، تمام؟ بعدها نطرنا منطقة إعادة الاختبار،

43:35تم إعادة الاختبار، فأنا دخلت بيع، وحدّدت ستوبي، وحدّدت الأهداف، وأموري لوز، ودخلت. وفعلاً السعر هبط وهبط، يعني ليكوا قديش نزل. ولا تنسوا إنه أنتو على فريم الربع ساعة، يعني لسّه الربح بيكون أكبر، فنزل الذهب بشكل قوي جداً، تمام؟ واضح المثال؟ حدا عنده استفسار عليه؟ هلّق يوزر الدعم بالتعليقات: أي حدا عنده مشكلة بالحساب، أو بدّه يفتح حساب، تواصلوا معي على التليجرام، أنا رح كون موجودة معكم لرد على الاستفسارات.

44:16بياخد وقت حسب الفريم اللي بتدخل عليه. يعني أنت، بما إنك… فبتعرف إنه كل ما علّينا الفريم، كل ما كان الوقت أطول. لذلك موضوع الفريمات بيعتمد على طبيعتك أنت: هل أنت سكالبر، ولا ما عندك مشكلة تدخل صفقة سوينغ؟ أكيد، لمّا أدخل على صفقة الساعة، ما رح تاخد وقت مثل صفقة الأربع ساعات. تمام؟ واضح المثال هادا؟ حسّيتوا في شي صعب؟

45:23الساعة في نتيجة، وفيك أنت تجرّب على الساعة… فيك تجرّب يعني، جرّب على الساعة. شفتوا؟ ليكوا هاي المثال، أنا أخدت الصفقة… أنا بشوف إنه الربع ساعة كتير قوية، ما تستهينوا فيها. لا لا، ما إلها دخل. المهم عندي إني حدّدت 3 قمم أو 3 قيعان أقل شي، بيهمّني القمم والقيعان، لأنه بس حدّدتهم، تمام، وتم كسر الترند لاين…

46:06لا، ما إلها دخل الزاوية. كمان نحن، بهاي الاستراتيجية أو بشكل عام، بدنا نكون مرنين على الشروط، يعني أنت ما فيك تقيس الزاوية بالملّي، بدّك تكون شوي مرن، تمام؟

46:52تماماً، تماماً. هلّق شوفوا، حكيت لكم أنا إنه كل ما كان الفريم أكبر، كل ما كان أفضل. ليش؟ لأنه بيكون الكسر حقيقي بأغلب الأحيان، وأساساً يعني ما في تلاعب بالفريمات. هلّق أنتو فوتوا مثلاً، لمّا يكون عندكم أخبار، شوفوا الشارت على الربع ساعة أو على الدقيقة، وشوفوا على الأربع ساعات، تمام؟ بيكون التلاعب كتير سهل بهاي الفريمات البسيطة، بينما الفريمات الكبيرة أفضل. بس الفكرة إنه المتداولين لازم يكون عندهم قدرة إنهم يصبروا، يعني أنت لمّا تدخل على فريم الأربع ساعات، صفقتك رح تطوّل أيام.

47:32في أشخاص ما بتتحمّل… هذا الفرق بيعتمد على سلوكك أنت كمتداول. «كسر الترند لحاله بيكفي؟» لا طبعاً، أنا حكيت لكم… لا لا لا لا. لا أبداً، حكيت لكم: حكينا نحنا إنه نحنا بس ينكسر الترند لاين، لازم نتأكد: هل الكسر كاذب أم حقيقي؟ لأنه حكيت لكم، أنا أحياناً شو بيعمل الترند؟ بيطلع، بيكسر لي، تمام؟ بعدين بتلاقي إنه رجع هبط فوراً، ضرب لك الستوب. فممكن يكون هذا كسر كاذب. إذا ما تأكّد الكسر بإعادة اختبار، أنا ما بدخل، تمام؟

48:20واضح؟ في حدا لسّه عنده أي استفسار؟ حطّيت لكم اليوزر تبعي بالدعم، في حال عندكم استفسار على الاستراتيجية أو على موضوع الحسابات ابعتوا لي، أنا رح كون معكم، تمام؟ أنا ما حابّة حدا يطلع وعنده أي استفسار أو أي شي مو فاهمه، فاكتبوا لي إذا حابّين تستفسروا عن أي شي. طبعاً برجع بقول لكن: لازم تتدرّبوا عليها، يعني ما تقولوا إنها سهلة وخلص وفهمناها وكذا،

49:03لا، لازم تعملوا تدريب عليها. «فيني أرجع شوف الفيديو؟» إي، فيك ترجع تشوف الفيديو، رح ينزل على اليوتيوب، فيك ترجع تشوف الفيديو. اللي ما تابع، أو اللي فاتته المحاضرة، فيكن ترجعوا. وحتى اللي بيحسّ حاله إنه مبتدئ مثلاً، حابب لسّه يبلّش من الصفر، فيه يحضر معنا الكورسات المجانية.