قياس عمق التصحيح باستخدام فيبوناتشي

00:05اسمحوا لي أعرّف عن نفسي: اسمي محمود، مدرّب تداول ومحلّل فني في شركة TNFX. أنا موجود إن شاء الله معكم لساعدكم، يعني نفهم لغة الشارت بلغة جداً بسيطة، ونبسّط قدر الإمكان موضوع التحليل الفني، ونقدر نقرأ حركة الشارت بطريقة جداً بسيطة ومرنة. التحليل والتداول يعني يحتاج إلى مرونة، يحتاج إلى بساطة. نحن نقدر نقرأ حركة الأسعار. نحن من خلال التحليل الفني قادرين، ونحاول نتنبّأ بحركة الأسعار المستقبلية، يعني خلّينا نحكي: بأفضل احتمال ممكن. أوكي؟ اليوم حندرس أداة تعتبر أساسية في عالم التداول وعالم التحليل الفني،

00:50لتقيس عمق التصحيح: أداة اسمها الفيبوناتشي. فيبوناتشي يعني اسم ممكن تشوفه أنت يعني غريب شوي، لأنه يعني ما بنعرف شو هاي الأداة، أو كيف أنا ممكن نستفيد منها. هلّق نحنا حنشوف شو حندرس اليوم مع بعض. كالعادة، قبل ما نبدأ أي محاضرة بنحكي بعناوين هاي المحاضرة: رح نتعرّف على فيبوناتشي، شو يعني فيبوناتشي، وقبل ما نشوف كيف أنا ممكن قيس فيها التصحيح، رح نتعرّف سوا على التصحيح، وبعدين أكيد كيف نرسم هاي الأداة، وكيف نقيس فيها، عندما نوصل لاستخدامها أو توظيفها في نقاط الدخول، أو أقدر أبني عليها قرار.

01:42الفيبوناتشي هي يا جماعة طبعاً عبارة عن متتالية رياضية. وين اشتهرت؟ اشتهرت في دول أوروبا. مين أنشأها أو كيف انتشرت؟ طبعاً من خلال عالم الرياضيات الإيطالي ليوناردو فيبوناتشي، يُطلق عليه، أو معروف باسم، فيبوناتشي. هو ليوناردو، ولكن ما حدا بيعرفه غير فيبوناتشي. فهو شكّل، خلّينا نحكي، متتالية. هو عالم بالرياضيات، مسألة رياضية بسيطة، ولكن مع الوقت صار لها تكرارات. وهي سلسلة تبدأ من رقمين، ومجموع هدول الرقمين بيعطي الناتج.

02:32مثلاً: 0 زائد 1، هكذا بدأت المعادلة الرياضية، أو المثال الرياضي. 0 زائد 1 كم يساوي؟ والله 1. نرجع ونجمع الرقمين السابقين: واحد زائد واحد بيصير اتنين، ونجمع الرقم اللي طلع معنا، اتنين، مع الرقم السابق: اتنين زائد واحد بيطلع 3، 3 زائد 2 بيصير 5، 5 زائد 3 بيصير 8، 8 زائد 5 بيصير 13… لماذا هذا الموضوع وكيف؟ والله بدّك تسأل عالم الرياضيات.

03:17خصائص هذه السلسلة، بعد التكرارات والنسب، خلقت عنّا شي اسمه نسب مشهورة، مثل 38 فيبو: هي 0.382، تُقرأ 38 فيبو، و0.5 تُقرأ 50 فيبو، و0.618 تُقرأ 61 فيبو، وهي تعتبر النسبة الذهبية، هاي أقوى نسبة موجودة في هذه السلسلة. طبعاً أنماط الفيبوناتشي بشكل عام يا جماعة هي مو من التداول، هي مو موجودة للتداول، وإنما تم اقتباسها واستخدامها في التداول.

03:59كيف يعني؟ هي وين كانت موجودة أصلاً؟ طبعاً بعد اكتشافها، أنت ممكن تشوفها بالطبيعة، ممكن تشوفها بالهندسة، بالبناء، أيضاً في الجراحات الفكّية أو بعيادات التجميل، كثيراً يشتغلوا على نسب فيبوناتشي. طيب، ما خصّ هذا الكلام بالتداول؟ أيضاً لأنه التداول، أو الأسواق المالية، يعني فيها بشر، البشر يشتغلوا فيها في الأسواق المالية، يبيعوا، يشتروا، ففي مشاعر، في ناس، فتشابهت هاي الأدوات، أو هاي الأرقام، مع الحياة، أو نمط الحياة في الخارج، لأن السوق ليس في عالم آخر، لا، السوق الناس يشتغلوا فيه بشكل عام.

04:40فارتبط الفيبوناتشي بالتداول، وتم تجربته، وبالفعل جاء بنفس النتيجة للتكرارات. طيب، فهمنا المعادلة الرياضية: كيف أجت، ومين أسّسها، ومن أين أجت. ولكن كيف أريد أن أستخدمها؟ قبل أن أتعلّم كيف أستخدمها، يجب أن نتعرّف على شي اسمه التصحيح. نحن نستخدمها لقياس… قياس التصحيح. ماذا يعني تصحيح؟ تعالوا نتعرّف سوا على التصحيح. المحاضرة ستكون مسجّلة، بإمكانك تعيدها مرة ومرتين، ولكن ركّز معي، خلّينا نفهم شو يعني تصحيح.

05:23التصحيح هو حركة مؤقتة للسعر عكس الاتجاه، هي حركة مؤقتة، ولكن عكس الاتجاه الرئيسي في السوق. كيف يعني؟ نحن متفقين أن السوق، أو الأسواق المالية، لديها اتجاهات. الاتجاهات الرئيسية: اتجاهها يكون صاعد، يكون هابط، يكون داخل نطاق عرضي. السوق فرضاً صاعد. السوق صاعد، فلما يصعد، هل يصعد السوق بهذه الطريقة؟ هل ينزل بهذه الطريقة؟

06:08السوق لديه سلوكه الخاص، يمشي بهذه الطريقة، بهذه الطريقة. هذا السوق يصعد، لا يطلع مرة وحدة. إذا السوق صعد، الذي يحدث هنا: يطلع، ينزل شوي، ويرد بيطلع. يعني نحكي: يريّح شوي، ويرد بيكفّي صعود. هذا هو يعني الاتجاه الصاعد. طيب يا محمود، هاي الحركة اللي بينزل فيها السوق، شو بنسمّيها نحن؟ هاي الحركة اسمها التصحيح.

06:50ليش اسمها التصحيح؟ ويعني ليش هالحركة عم بتصير أساساً؟ الإنسان مثلاً، فرضاً شخص عنده، وليكن، ركض، وليكن عشرة كيلومتر، فهو إذا بدّه يركض هاي العشرة كيلومتر، فبدّه فترات فيها يستريح. ممكن يخفّف شوي السرعة تبعه، ممكن يستريح أقل من دقيقة، ياخد نفَس، يشرب موية، وبعدين شو؟ يتابع مسيره لحتى يوصل للهدف. نفس الشي هون الأسواق: الأسواق لما يكون اتجاهها صاعد وينزل هذه النزلة، في ناس تتكلم أنه بلّش بالسقوط. لا، ليس شرط أن يكون هذا السقوط؛ السوق يمكن أن يريّح ليرجع ويركض بقوة أكتر،

07:35ياخد نفَس. ولكن أنا كيف أريد أن أعرف لوين يريّح السوق؟ يعني مثلاً السوق طلع ونزل: هل يريّح ويرجع يكفّي الصعود؟ هل يريّح أكتر ويرجع يطلع؟ فأنا ما بعرف لوين ممكن يصحّح. الفيبوناتشي هي بتساعدني إنّي أكتشف لوين ممكن السوق يصحّح: قياس عمق التصحيح.

08:31هون كمان حاكي لك إنه إذا كان السوق في اتجاه صاعد، وارتفع السعر بشكل قوي، فقد يبدأ في التراجع بفترة مؤقتة قبل أن يستأنف اتجاهه الصاعد، ويُعرف هذا التراجع باسم التصحيح السعري. وصلت الفكرة؟ شوفوا بهذا المثال: شوفوا، كان هون السوق طالع، بعدين نزل شوي، هذا هو، يسمّى هبوط تصحيحي، بعدين طلع. وهون مثال تاني بالهابط: كان نازل، بعدين طلع شوي، ريّح، بعدين رجع كفّى هبوطه. فلازم نميّز بين التصحيح والانعكاس. التصحيح ليس يعني إنه انتهت الموجة وخلص، لا، التصحيح يكون هبوط مؤقت بمناطق معيّنة،

09:13يكون شي خفيف وبسيط، بعدين يكمّل صعود. الانعكاس أو ما شابه، إن شاء الله في لسّه محاضرات قادمة سنقدر ندرسها، أو بويبينار. ولكن بمجرد ما عرفت التصحيح، فأنت خلصت، يعني تجنّبت الوقوع في الانعكاسات. لهذا السبب نحن نستخدم الفيبوناتشي، لحتى نقيس عمق التصحيح، ونتأكّد: هل هذا تصحيح طبيعي أو غير تصحيح؟ هل ما زال السعر ضمن النطاق الصحيح، أو الشكل الطبيعي للحركة اللي تسمّى بالتصحيح؟ أم والله السوق خلاص انتهى، أو هون سيرجع ينزل مرة تانية؟

09:53لأنه أكيد السوق ما بيضلّه طالع، ولا بيضلّه نازل. كل الفكرة: السوق قد يطلع، قد يضل نازل، قد يرجع، قد يصحّح، قد يمشي بنطاق عرضي، فنحن بدنا ندرس أو نفهم حالات السوق بكل المراحل. طيب، أنا كيف بدي حدّد الفيبو؟ يعني كيف بدي أمسك هاي الأداة وحدّدها؟ طبعاً هلّق، إن شاء الله في نهاية المحاضرة يا جماعة، حيكون في شرح عملي، ما حدا يغادر، ستستفيد منه بشكل أقوى. أولاً، نحدّد الحركة السعرية الرئيسية التي نريد أن نقيس التصحيح منها.

10:36كيف أريد أن أحدّد؟ أريد أن أبحث عن قاع، أبحث عن قاع، أبحث عن آخر قاع عندي تشكّل، وبمدّ عليها هذه الأداة. إلى أين أريد أن أمدّها؟ أريد أن أمدّها لعند القمة. يعني إذا اتجاهي صاعد، فنرسم فيبوناتشي. سجّل عندك: يتم رسم فيبوناتشي، هاي الأداة، من القاع إلى القمة. أما إذا كان اتجاه هابط، نرسم فيبوناتشي من القمة إلى القاع. كيف يعني؟ يعني إذا الاتجاه صاعد: نزل، طلع السوق، صحّح شوي، رجع طلع.

11:22بهالطلعة شو شكله هون؟ والله شكله قاع. طيب، فرضاً نزل السوق من هون، هون شو شكله؟ شكله قمة. فاتجاهي صاعد، بسحب أداة فيبوناتشي من هون، بمدّ لهون، لهاي المنطقة، من قاع إلى قمة، فتطلع عندي هون نسب فيبوناتشي، اللي ممكن السوق يصحّح لعندها مثلاً هيك ويرجع. أما بالهابط، من قمة إلى قاع. الهابط كيف بيكون هابط؟ والله الاتجاه الهابط بيكون… أول شي شكّل لي هون: هون قاع، وهون قمة. الاتجاه الهابط كيف بيكون؟ قاع أدنى من قاع، وقمة أدنى من قمة. حلو.

12:04بمجرد ما تشكّل اتجاه، بتمدّ الفيبو عكس الاتجاه، بتمدّها من قمة إلى قاع، يعني من هون لهون، من قمة إلى قاع. نستخدم أداة الفيبوناتشي. نريد أن نكون دقيقين في هذا الموضوع: نريد أن يكون معي اتجاه واضح، أو أن تعرف الاتجاه. ثاني نقطة: إذا عرفت صاعد، يجب أن نمدّ الأداة من القاع إلى القمة، أو إذا اتجاه هابط، من القمة إلى القاع، لأن أي استخدام خاطئ للفيبو ممكن ما تعطيك النتيجة اللي أنت بدّك ياها، أو الصحيحة.

12:51خلّينا نحكيها: ما تعطيك نتيجة دقيقة. فإذا قريت الشارت بطريقة غير صحيحة، ما حتقدر توصل لعمق التصحيح الصحيح. فبدنا نركّز على حركة السوق، وأهم شي ما نستخدمها في نطاق عرضي. كيف يعني نطاق عرضي؟ يعني إذا كان السوق ماشي في هذا الشكل، بتشوفوا بيكون ضمن صندوق هيك، بالعرض ماشي. طيب، العرضي هذا ما بنستخدم الفيبوناتشي فيه. الفيبوناتشي هي أصلاً لقياس التصحيح، والتصحيح بيكون يا إمّا في الصعود، يا إمّا في الهبوط.

13:36نحن لما بنمسك أداة فيبوناتشي وبنمدّها، شو بيطلع عنّا؟ بيطلع عنّا مستويات رئيسية للفيبو. كيف يعني؟ يعني ممكن يطلع عندك 23 فيبو و38 فيبو. شوفوا هاي الأداة، واضحة فيها، بالمنتصف: نزل السوق، شكّل قمة، وكمّل باتجاهه. ففي خطوط، هاي الخطوط اسمها مستويات للأداة اللي أنا رسمتها، أداة فيبوناتشي. ركّز معي. طيب، 23 و38 شو يعني؟ يعني لما يوصلها السوق،

14:18مثلاً لما السوق، يا أخي، نزل هيك، وصحّح باتجاهي مثلاً، هيك صحّح، أوكي، يطلع عندي مستوى، اتنين، تلاتة، أربع مستويات. كل مستوى عنده ترقيم حدّه، هذا الترقيم: مثلاً هون عندي 23، هذا أول واحد، هو 23 فيبو. أوكي، اللي فوقه مثلاً الـ 38. 23 و38، لما بيوصل السوق عندها، أنت بتشوفه وصل لعند هاي النسب. طيب، شو يعني هاي النسب؟ هاي النسب يعني إنه السوق إذا وصلها، لهاي النسب، وارتدّ نزل، معناته الترند اتجاهه قوي جداً، ما صحّح بما فيه الكفاية،

14:58لأنه شو؟ ترند قوي، موجة قوية هاي. أما إذا صحّح قليلاً وصعد، المستوى الذي بعدهم سيكون مستوى 50، أو المنتصف. الـ 50% هي نقطة اهتمام الحيتان، كل البنوك تكون مركّزة على هذا المستوى، الـ 50. الـ 50% هي بتكون منطقة نفسية، تحت المراقبة، وأيضاً قوية للدخول. طيب، إذا طلع كمان السعر لفوق، وصل لمستوى الـ 61%، هذا الـ 61 اسمه الغولدن زون، المنطقة الذهبية، أقوى منطقة بالفيبوناتشي، نسبة ارتداد السعر منها قوية جداً.

15:43آخر نسبة هي الـ 78%. إذا وصل لها السعر وارتدّ منها، سيكون ارتداد قوي جداً، ولكن هي مستوى خطر نوعاً ما، لأنه غالباً السعر إذا طلع فوق هذه النقطة، وخلص، يعني السوق ما حيصحّح، السوق حيستمر في الصعود. فالـ 78 هي، خلّينا نحكيها، النقطة الحاسمة. لما يوصل عندها السعر، خلص، أمام خيارين: يا إمّا تنزل من هذه النقطة، يا إمّا خلاص، روح كفّي طريقك.

16:28خلّينا نشيل هدول، قبل ما نروح للعملي. في ملاحظة جداً مهمة بدي أحكيها. شوفوا يا جماعة، «ممكن تعيدهن؟» أوكي، هلّق رح عيدهن على الشارت، لما بمدّ الأداة، وبصير بشرح لك عنهن، رح عيدهن أكيد. شوفوا، أنا لما شفت الاتجاه معي، ماشي تمام اتجاهي، حدّدت من قاع إلى قمة، ومدّيت أداة فيبوناتشي،

17:14وطلعت عندي هذه المستويات، وتوقّعت مثلاً أنه يصحّح السعر عند المستويات تبعها، هذا ليس يعني… انتبه، ها! ليس يعني خلص، مية بالمية السعر سيصحّح لهون ويرتد. بالعكس تماماً. يا جماعة، التداول مبني على احتمالات. فمثلاً احتمالية تصحيح السعر عند هذه المستويات، والارتداد منها، قوية جداً، واردة جداً، وليست حاسمة. بدّك تستخدمها كمناطق اهتمام: إنه أنا مهتم في الدخول عند هذه المناطق، ولكن بحاجة إلى دمج، دمج المعلومات مع بعضها.

17:59كيف يعني؟ أنا مثلاً، وليكن عندي استراتيجية معيّنة، عندي دعم ومقاومة، وليكن النماذج، وإلى آخره. فأنا عندي، خلّينا نقول، هاي الأداة أداة مساعدة، بتعطيني رؤية أوضح للسوق، بتدعم دخولي. فهي ما فينا نعتمد عليها لحالها، لأ، بدنا ندمجها. شوفوا، بالتحليل بحاول دائماً إجمع داتا عن المعلومة، يعني عن الشي اللي بدي ياه، الاستراتيجية تبعي، كيف بدي إدعمها، قوّيها أكتر. أنا إذا بدي إبني، وليكن، بناء، بدي ركّز على القاعدة،

18:39القاعدة هي الأساس، لازم إدعمها بالإسمنت، لازم الحديد يكون نوع أول، لازم كلما كتّرت حديد كلما كان أفضل إلي، وتكون متينة جداً. نفس الفكرة تماماً، فأنا كلما أسّست حالي بالمعلومات أكتر لفهم هذا السوق، كلما كان الشي أفضل إلي، الدقة تبعي، الجودة تبعي، الصفقات تبعي تكون أفضل. ففرضاً أنت مثلاً ممكن تمدّ أداة فيبوناتشي، وتراقب، يعني راقبت مستوى 61 فيبو، والسعر صار قريب منها، ففرضاً إذا توافقت، وليكن، مع منطقة الدعم: أنا مدّيت فيبوناتشي، وشاهدت عندي هون منطقة الدعم توافقت مع 61 فيبو،

19:23يعني قوة الدخول هون تكون أفضل، أفضل بكتير، فأنت تقدر تبني إنه والله السعر ممكن يرتدّ من هذه المناطق. لماذا؟ والله لأنه عندي الفيبوناتشي عطتني المستوى الذهبي، 61 فيبو، وبنفس الوقت هاي المنطقة توافقت مع مستوى دعم، مستوى دعم يدعم الصعود. فالفيبو بيساعدك لتختار مناطق محتملة للدخول، أيضاً تبني الستوب لوس والتيك بروفيت ضمن الخطة تبعك. لا يوجد شي أكيد، لا يوجد شي 100%، ولكن نحن لدينا احتمال.

20:03نحن جايين نبني احتمال للصعود من هون، احتمال للهبوط من هون. كيف أنا ممكن اتعامل مع السعر لما يوصل للمناطق تبعه؟ لازم شوف إشارات. لما بدي إدخل الصفقة، صراحة، أنا بدي كون مقتنع في أخذ هذه الصفقة. يعني أنت لما بدّك تروح على سوبر ماركت أو سوق، أو تشتري قطع تياب، تشتري قطعة وإنت مانك مقتنع فيها؟ مستحيل. طيب، أنت داخل مجال التداول، عندك شراء وبيع، فلما بدّك تشتري، ولما بدّك تبيع، بدّك تكون مقتنع بأخذ قرار الشراء أو البيع. طيب يا محمود، كيف بدي صير أنا شخص مقتنع في الشراء والبيع؟ هون بدّك تدرس استراتيجية، تتعلّم تحلّل،

20:43تشوف كيف تجمع داتا، كيف ممكن آخد من هون شراء، وآخد بيع. إذا العلم اللي معي فعلاً بيعطيني إشارات للشراء، أو وجود شراء هون، فأوكي، أنا هون بكون مقتنع للشراء، وبشتري. وصلت الفكرة؟ قبل ما ندخل على المنصة ونطبّق بشكل عملي، اللي عنده سؤال، اللي في شي مو واضح عليه بالنظري، يُفضّل يسأل. كله رواق؟ كله تمام؟ ولا حدا يخجل، يعني أنا معكم،

21:29الآن سوف نثبّت كل المعلومات، ونرى كم الموضوع مهم، أيضاً إعدادات الفيبو سوف أعطيكم إياهم. «هل يمكننا أن نربط بين الفيبو وبين مؤشر الـ RSI؟» نعم فيك، ولكن أنا بنصح أن تستخدم استراتيجية مع أداة، يعني أنت ممكن تستخدم فيبو، وممكن تستخدم الـ RSI، ولكن لا بدّ أن يكون لديك استراتيجية ناجحة، مثل الدعم والمقاومة. وصلت الفكرة؟ نعم فيك. «الكسر كاذب بعد 61؟» كيف يعني كسر كاذب بعد 61؟

22:28قصدك السعر بعد ما يقطع 61 فيبو؟ إيش قصدك؟ قصدك إذا ما احترم 61 فيبو، خلص انتهى، وسيكون تغيير الاتجاه؟ تغيير الاتجاه مو فوق 61 فيبو، تغيير الاتجاه يحدث عندما يكسر المستوى الـ 78. الـ 78 هو مستوى، يعني، حاسم. «المحاضرة الجاية عن الـ Fair Value Gap؟» طيب، يعني إن شاء الله، إن شاء الله يعني، تكرم.

23:09يعني ماشيين إن شاء الله معكم خطوة بخطوة، بشوف إذا ممكن نعمل هيك شي، نمشي فيها كسلسلة يعني، نشرح كل التفاصيل هاي. يلا نروح للعملي، جاهزين؟

24:18شوفوا يا جماعة، هاي الأداة اسمها ارتدادات فيبوناتشي، هي من ضمن أدوات فيبوناتشي. فمثلاً عندي أنا، شوفوا كيف ببدأ، بدون ما إتشتّت، وبدون أي شي: أول شغلة بدي اطّلع عليها الاتجاه: اتجاهي صاعد ولّا هابط؟ تعالوا شوفوا هذا المثال اللي راسمه لكم أنا، هذا الخط: والله هابط. لماذا هابط؟ لأنه داون ترند هابط: قمة أدنى من قمة، قاع أدنى من قاع، وبديهياً يعني مبيّن إنه نازل. حلو. بسحب… بستخدم الفيبو بالاتجاه الهابط، بمسكها، بمدّها من قمة إلى قاع.

24:59لما بمدّ هذه الأداة من قمة إلى قاع، بيطلع عندي شو؟ هاي المستويات. شو طلع عندي من المستويات؟ عندي هون الـ 38 فيبو، فوقه الـ 50 فيبو، فوقه الـ 61 فيبو، فوقه الـ 78. فأنا عندي هون نقطة… فرضاً، خلّينا آخد المربّع، عندي أنا بالـ 61 وبالـ 50 فيبو، بمدّ هيك مستطيل، فهي بتكون مناطق دخول إلي. هاي مناطق دخول عند الـ 50 والـ 61، يعني نقطتين دخول. نعم، عندي نقطتين دخول: بالـ 50، وبالـ 61. أوكي.

25:43بمسك الفيبو كمان، من قمة تانية لقاعها، من هون لهون، بتشوفوا بيصحّح السعر. هون نختار المستطيل، ومنحدّد، فقط برسم على الـ 50 وعلى الـ 61، هدول مستويات التصحيح. طب يا محمود، والـ 38 والـ 78؟ جايكم هلّق بالحديث. طيب، هاي المستويات: شوفوا لما السعر عم يطلع لها، عم يرتد. هاي مستويات تصحيح: السوق نزل، بعدين بلّش يطلع من هون.

26:26أنا هون شفت إنه والله، أوه، السوق ممكن يطلع؟ لا، بمدّ فيبوناتشي، شفت إنه والله هذا ممكن يكون عبارة عن تصحيح، التصحيح ممكن يعود يوصل لهاي المناطق، وبعدها يكمّل مسار السوق. حابب يريّح قليلاً… ثم يريّح قليلاً عند هذه المناطق اللي توقّعت. والله، أنا توقّعت يرتاح دقيقة، دقيقتين، فعلاً ارتاح بهذه المناطق ورجع كمّل. نقاط الدخول ستكون 50 أو 61. الـ 38 هي لا، ليست جيدة للدخول، ولكن إذا السعر وصلها وارتدّ بقوة، فمعناته قوي. أما إذا وصل إلى 78، فهون يعني، مثل ما بيحكوا، آخر محاولة للسعر:

27:09يا إمّا بيرتدّ منها، يا إمّا بيغلق، أو بيصعد ويكمّل. أوكي، هلّق أنا كيف بدي حلّلها على الشارت بطريقة يعني جداً عملية؟ وكيف حطّ الستوب، وكيف اتعامل معها أساساً؟ أنا بعد ما عرفت استخدمها، خلّونا اضغط، وليكن، على اليورو دولار. هاي اليورو دولار. شوفوا يا جماعة الخير: مثلاً أول شغلة شو بدي شوفها؟ والله الاتجاه. شو الاتجاه هون؟ الاتجاه هون مثلاً هابط، هاي المنطقة كلها هابطة. خلّينا ناخد فريم تاني، ناخد مساحة كبيرة بالشرح.

27:52شو الاتجاه هون؟ والله هابط الاتجاه. اتجاه هابط، من أول انطلاق للسعر، من أول انطلاق، والله من هنا، من القمة إلى القاع. من وين ارتدّ السعر؟ من الـ 38، معناته الاتجاه سيكون قوي. فعلاً شوفوا كيف فتح السوق هون، وهبط بقوة. طيب، ما كان عندي فرصة الدخول. بمسكها من قمة إلى هذا القاع،

28:42وصل السعر لمنطقة الـ 50 ولمس الـ 61، كمان كان ارتداد قوي، ونزل السوق. طيب، أنا لسّه باتجاه هابط. طيب، خلّونا نمسك هذه القمة من جديد، هذه القمة القوية مثلاً، ومدّيتها من قمة إلى قاع: وصل السوق للـ 61 فيبو، وردّ نزل. طيب، فرضاً أنا، يا أخي، استخدمت الفيبو، وأنا كنت هون، وتوقّعت إنه يصحّح على الـ 50: وين بيكون دخولي؟ يعني في الفيبوناتشي، وين بستخدم الدخول والخروج؟ طيب، نقطة الدخول تبعي بتكون عند الـ 50 والـ 61 فيبو.

29:27عندي نقطتين للدخول: 50 فيبو، والـ 61 فيبو. الستوب لوس يكون عند 78 عندما تدخل من 50، ويكون عند الـ 1 عند الـ 61، الدخول الثاني. فالستوب لوس يكون 78 عندما تدخل من 50 فيبو، وعند الـ 1، عند هذه القمة. والأهداف؟ والله الأهداف تبعي هي القيعان السابقة: عندي هذا القاع، عندي أيضاً هذا القاع. بستهدف قيعان سابقة، دعوم سابقة، ما في مشكلة. هل بعتمد عليها لوحدها؟ لا، لازم تترافق عندي على الأقل مع منطقة مقاومة.

30:09عندي فوق الـ 61 هون، بالضبط هون، منطقة مقاومة، يعني بين 78 و61 منطقة مقاومة، وارد جداً إنه يرتدّ من عندها السعر، وفعلاً بعد فترة، لما وصلها السعر، ارتدّ من عندها بالملّي متر، بالملّي متر ارتدّ من عندها. عندي في هاي المنطقة، شوفوا، شوفوا: طلع لفوقها تقريباً، يعني إذا داخل من الـ 61، قبل الستوب لوس، طبعاً هبط السوق، ما وصل للستوب لوس. خلّينا نشيل هالخرابيط، ونرجع نشوف من أول. أول شي بس نشوف إذا حدا عنده سؤال.

31:11عندي هون يا جماعة، أنا عندي قمة، بمسكها من قمة إلى قاع. شوفوا! والله سحر، والله سحر يا جماعة، فعلاً سحر، صحّح لمستوى 50، 61، وارتدّ. أوكي. بعدين بمسك من هاي القمة لعند القاع، تقريباً قبل الـ 78… من قمة إلى قاع، ارتدّ من قبل مستوى الـ 78، يعني خلّينا نحكي: إذا ما لمس مستوى الـ 78، يعتبر ارتدّ من الـ 61، واستمر في الهبوط. خلّينا نرجع نمسك هاي القمة،

31:56نمشي مع الترند، حلاوتها إنك تمشي مع الترند، سهولتها إنك تمشي مع الترند. من قمة إلى قاع: شوفوا، قبل الـ 50 ارتدّ، يعني ارتدّ من الـ 38. طيب، خلّينا نمسكها هيك، من هاي القمة لهاي القاع، كمان قبل الـ 50 ارتدّ. طيب، أنا فرضاً يا جماعة… شيلوا الفيبوناتشي، خلّونا بلا فيبوناتشي هلّق. أوكي. أنا مثلاً، أنا محلّل، عندي والله هون منطقة: كان هون دعم، بعدين تم كسره، تحوّل لمقاومة،

32:36فعندي هون منطقة، بشوف إذا السعر وصلها حيرتدّ. كيف ممكن آخد صفقة على هذا الشي؟ والله بشوف الفيبوناتشي، من هون مدّها لهون، فعندي هذا المستوى متوافق مع مستويات الفيبوناتشي، يعني ممكن السعر، أنا شايفه، يصحّح عند هاي المستويات، ويردّ شو؟ ينزل. مو هيك؟ طيب، فأنا نقطة دخولي بتكون مع الدعم تبعي، أو المقاومة تبعي، مع مستويات الفيبو. منطقة بتدعم الهبوط، منطقة فنية، استراتيجية بتحكيلي: هون في بيع،

33:17والفيبوناتشي بتحكيلي إنه السعر من هذه المناطق ممكن يصحّح، فصار فيه توافق. هون بيكون الدخول القوي، هون بتكون الفلترة. حنشيل هذا الخط، ما ورانا شي، تعالوا نحلّل شوي. هون عندي مثلاً هذه المناطق. طبعاً في مناطق السوق ما دايماً ماشي معك: بتمدّ فيبوك، ويوصل للتصحيح وبينزل؟ لا، في مستويات لسّه، يعني يوصل لها السعر، لازم يعمل ردّة سعر، حتكون على مناطق اهتمام تايم فريم عالي مثلاً. أوكي، فلازم تركّز على هذا الشي. طيب، أنا مثلاً يا أخي عندي مستوى دعم، تم كسره وصار مقاومة، أوكي؟

34:03طيب، بمسك الفيبوناتشي من قمة إلى قاع: والله هي القمة، وهي القاع. شوف مستويات الفيبو: الـ 38 والـ 50 متوافقين مع المنطقة الجديدة، المنطقة اللي انكسر فيها الدعم، فلما انكسر تحوّل للمقاومة، فالسعر لازم يعمل لها شو؟ إعادة اختبار طبعاً، إعادة الاختبار هون تصحيح: يصحّح السعر شوي، كرمال يكمّل هبوط. فأنا الدخول تبعي بيكون عند هاي المستويات. وين الدخول؟ سوف أرجع أحكي لكم وين سوف يكون الدخول:

34:44الدخول مع مستويات الفيبوناتشي المتوافقة مع منطقة المقاومة: الـ 50 والـ 61. ستوبك 78 إذا دخلت من الـ 50، أو الـ 1 إذا دخلت من الـ 61. هدفك في الأسفل: قيعان سابقة، دعوم سابقة، لحد ما تكتفي. طيب، نكمّل. والله بمدّ فيبو من قمة إلى قاع… سحر! سحر، سحر! اللهم إن كان سحراً فأبطله. شوفوا ارتداد السعر لمستوى 61 فيبو، الـ 50 فيبو، وردّ هبط.

35:27شوف كم عندك فرصة بالسوق، فقط بس التزم بإدارة، اسمها إدارة مخاطر، ويعني امشي مع الاتجاه، وخلّي عندك استراتيجيتك. شو عندي هون؟ والله عليكم، شوفوا شو عندي هنا: هون، بهاي المنطقة، هاي مو منطقة مقاومة؟ مو صح؟ طيب، وهاي المنطقة اللي تحته كمان، مو منطقة مقاومة؟ شوفوا، شوفوا، السعر توافق مع مناطق مقاومة.

36:16السعر توافق مع مستويات فيبو عند هاي المنطقة، ومنطقة مقاومة، قاومت السعر. السعر نزل، اخترق، بعدين طلع، بعدين رجع اخترق، هلّق عمل إعادة اختبار مع مستويات فيبوناتشي، احترم هذه المنطقة بالضبط، نزل من مستويات الـ 61، وهبط. فأنا هون كان دخولي حلو. ستوبي، مثلاً يا أخي، يتحطّ عند هذه المنطقة: هاي المنطقة حتعتبر الـ 1 عند القمة للفيبو، أو عند الـ 78، عند هاي المنطقة، أو هاي المنطقة. فأنت، أمورك، بتستهدف: استهدف واحد على واحد، واحد على اتنين. هذا الشي يعود لإلك. يجب أن يكون لديك استراتيجيتك الخاصة، وإدارة مخاطرك، وأسلوبك بإدارة الصفقة.

37:08«في فريم محبّب نشتغل عليه؟» المحبّب، من اسمه، محبّب: هذا الشي يعود للشخص نفسه. ولكن بشكل عام، إذا أنت بدّك تشوف السوق رؤية كاملة، على اتجاه، وليكن، كبير: وين ماشي السوق، فأكيد بدّك تستعمل فريم الـ 4 ساعات أو اليوم. إذا ترى السوق صاعد، في اتجاه صاعد، ولكن ترى هناك هبوط، يبدأ هبوط جديد، فممكن ترسم الفيبوناتشي من قاع لقمة على الـ 4 ساعات مثلاً، فبيبيّن معك إنه إلى أين يمكن أن يكون التصحيح، فلما يبيّن عمق التصحيح، هنا يمكن أن يصحّح ويرجع يكمّل الصعود، ففي هذه المناطق أنا أبحث عن صفقة الشراء.

37:51أما يا محمود، أنا أريد أن آخد سكالبينغ؟ لما بدّك تتداول سكالبينغ، ما في أي شي: على الساعة، الخمسة، أو الربع ساعة، تمدّ من قاع لقمة، والمهم يكون اتجاهك واضح، على الخمسة يكون واضح، ما في شي: قمة، قاع، انتهى الموضوع. لماذا قمة وقاع؟ لأنه أساساً لما يدخل المشترين، يبنوا قاع، وقمة أعلى من القاع والقمة اللي قبله، أو لو بدّه يدخل بايعين، بدّه يشكّل قاع، بعدين قمة أدنى، بعدين قاع أدنى منهم، بعدين قمة أدنى من اللي قبلهم، ويرجع يمشي السعر. فما بصير هذا الشي عشوائي، هو إنه بيكون له مستويات معيّنة، بيطلع وبينزل فيها ضمن نسب معيّنة.

38:33«وقتيش بعرف إنه السعر ضرب التصحيح وغيّر الاتجاه عبر الفيبو؟» لما يكسر الـ 78 والـ 1، القمة هي أقوى شي لانتهاء هذه الموجة. «كيف أحدّد الأهداف غير الفيبو؟ هل هناك أهداف ذهبية على الفيبو؟» لا يوجد أهداف ذهبية على الفيبو، ولكن هناك شي في الفيبو، الامتداد،

39:17وهذا الشي يعني أداة ثانية، وشرح ثاني، وإعدادات ثانية. ولكن الأهداف، لا يوجد أسهل من تحديد الأهداف. لما تكون هابط، فأنت حكماً عم تستهدف قيعان سابقة، أو دعوم سابقة، أو مناطق يعني واضحة للمشترين. شوفوا، في طريقة جداً سهلة لتحديد الأهداف: لما مثلاً بدّك تشتري، أوكي، لما بدّك تشتري، وشايف اتجاهك صاعد، وشتريت، أوكي، كيف أنا بدي حدّد أهدافي؟ ارجع حلّل السوق بالعكس. كيف يعني؟ شوف أنت، فرضاً لو بدّك تبيع هيك، فرضاً أنا بدي بيع، لو بدّك بيع، من وين ممكن إدخل بيع؟

39:58فتحدّد المناطق، عندما تحدّد هذه المناطق ستكون هدفك في الشراء، ستستهدف البائعين. «لحتى ينجح تحليلي على الفيبو، أي فريم تنصح؟» إذا بدّك تشتغل، أو تحدّد اتجاه السوق منه، يعني بس تشوف لوين ممكن يصحّح السوق، ففريم الأربع ساعات. أما إذا بدّك تدخل صفقة مباشرة، فطبعاً بدّك تراعي الاتجاه، ففريم الساعة، فريم النص ساعة، فريم الربع ساعة. يعني هدفي سحب السيولة.

40:41إذا أنت بتعرف السيولة، فما في داعي تسأل عن الأهداف، إذا بتعرف السيولة، شو يعني سيولة، فخلص، سهلة. خدوا سكرينشوت لإعدادات الفيبوناتشي. هاي إعدادات الفيبوناتشي، خدوا سكرينشوت.

41:58طيب يا جماعة، نحنا انتهينا من محاضرة الفيبوناتشي. بتمنّى إن تكون هاي قدّمت فايدة للجميع، أو ساعدت بما فيه الكفاية بتوصيل الفكرة، أو المعلومة. هذا الشي أساسي، هذا الشي يومياً بيصير، كل يوم بيصير. هل انتهى هذا الموضوع يا محمود؟ أنا بلكي ممكن عندي سؤال، بلكي محتاجك في شي؟ ما في أي مشكلة، أهلاً وسهلاً، بالعكس، أنا موجود مع كل المتابعة والمساعدة. إذا أنت شخص جديد، أول مرة بتحضر هاي المكالمة، طبعاً مقدّمة من شركة TNFX، تدخل على موقع الشركة، بيطلع لك الدردشة المباشرة،

42:38وتتواصل مع الدعم، ويضيفوك فوراً لقائمة المتابعة إن شاء الله، وتحضر معنا، مع المجتمع من المتداولين: في جداد، في قدامى، وكلهم بدأوا من الصفر، وإن شاء الله أمورهم ممتازة. متابعة شخصية موجودة، كله حيكون إن شاء الله بشكل مجاني. يعطيكم ألف عافية، وصباح الخير.